Kishin ardhur për pushime në vendlindje, por gjetën vdekjen. Ky ishte fati i dy personave me inicialet F.XH. dhe M.XH., nga Çollopeku i Tetovës, të cilët babë dhe birë mbetën të vrarë dhe një tjetër mbeti i plagosur, nga kushëriri i tyre, 59 vjeçarë, për motive siç tha Ministri i Punëve të Brendshme, Oliver Spasovski, çështje të pazgjidhura pronësore. Nga MPB sot kanë dhënë detaje shtesë nga tragjedia, nga ku thonë se në vendin e ngjarjes janë gjetur 3 pistoleta.
MINSITRIA E PUNËVE TË BRENDSHME
“Kontroll në vendin e ngjarjes ka kryer edhe prokurori publik dhe ekipi inspektues i SPB-Tetovë, ndërsa janë gjetur dhe konfiskuar tre armë. Njëra armë i është marrë të arrestuarit, ndërsa dy të tjerat janë gjetur në afërsi të të ndjerëve F.XH. dhe M.XH”.
Policia njoftonë se i plagosur ka mbet edhe personi i cili dyshohet që ka kryer vrasjet, ndërkaq, nga MPB shtojnë se i njejti është ndaluar në stacionin policorë.
MINSITRIA E PUNËVE TË BRENDSHME
“Policia ka privuar nga liria I.I.(59) nga fshati Çellopek, pas kallëzimit se rreth orës 14.10, në fshat ka vrarë me armë zjarri të afërmit e tij F.XH.(52) dhe M.XH.(28) dhe ka plagosur A.XH.(54), të gjithë nga i njëjti fshat. I dyshuari, i cili gjithashtu është plagosur me armë zjarri, është ndaluar në stacionin policor dhe është dërguar në Spitalin Klinik të Tetovës për ndihmë mjekësore”.
Nga MPB sqarojnë se me urdhër të prokurorit, trupat e të vrarëve janë dorëzuar për obduksion, ndërsa shtojnë se pas dokumentimit të plotë të rastit, do të dorëzohet kallëzim përkatës.
Samir Mustafa /SHENJA/
MARKETING
