Grupi këshillues i LSDM-së dhe koalicionit kërkon seancë të jashtëzakonshme të Këshillit të Qytetit të Shkupit për zgjidhjen e problemit të ajrit të ndotur, i cili është në shkallë alarmante në kryeqytet. Fakti është se pushteti lokal i VMRO-DPMNE-së dhe koalicioni i tyre në Shkup me Levicën dhe Arsovskën nuk po marrin asgjë për zgjidhjen e këtij problemi, tha në konferencë për media, Ljubica Jançeva, koordinatore e grupit këshillues të LSDM-së në Këshill.
LJUBICA JANÇEVA NGA LSDM
“LSDM dyshon se inspektorët nuk guxojnë të veprojnë pa pëlqim të sekretarit të Qytetit të Shkupit, nëse është kështu, duhet të ndërpritet menjëherë. Shkupi këto ditë është në krye të listës së qyteteve më të ndotura në botë, gjë që ndikon drejtpërdrejt në shëndetin e njerëzve. Ndotja e ajrit është shkaku më i madh i rritjes së numrit të sëmundjeve njerëzore dhe vdekshmërisë së parakohshme. Në fakt, ky është rezultat i mosinteresimit të Arsovskës dhe DPMNE-së për qytetarët e Shkupit”.
Grupi këshillues i LSDM-së dhe koalicionit në seancë të jashtëzakonshme do të propozojë disa masa: Rritja e menjëhershme e numrit të autobusëve në të gjitha linjat në transportin publik të qytetit, Futja e transportit falas për të gjithë qytetarët në Shkup, Ndryshimi i menjëhershëm i shpërndarjes së mjeteve në Buxhetin e Qytetit të Shkupit, rritja e mjeteve për luftimin e ndotjes, Ndihma financiare për shkollat për përshtatjen e sistemit të ngrohjes me energjitë mjedisore, Përgatitja e planit të veprimit për pastrimin e të gjitha deponive në Shkup.
Medina Ajeti Ali /SHENJA/
