Sokol Cikalleshi ka shënuar një super gol në “finalen e parakohshme” të kampionatit turk kundër Trabzonsporit. Sulmuesi shqiptar shënoi golin e vetëm për ekipin e tij në sfidën që u mbyll me rezultatin 2-1 për Trabzonspor.
Një kthesë fantastike nga Cikalleshi që edhe pse nuk kishte pamje të pastër nga porta, gjithsesi ia doli ta çonte topin në fundin e rrjetës duke e bërë të pavlefshëm reagimin e portierit.
Trabzonspor-Konyaspor ishte një finale e vërtetë në javën e 25-të të kampionatit turk pasi ndesheshin dy ekipet e kreut. Me këtë fitore, Trabzonspori ia doli të thellonte diferencën në 12 pikë.
Cikalleshi e nisi ndeshjen nga stoli dhe u aktivizua në pjesën e dytë në minutën 64. Ndërkohë që në minutën e 83 ai gjeti rrugën e rrjetës. Edhe shqiptari tjetër, Endri Çekiçi e nisi ndeshjen nga stoli dhe u aktivizua në minutën 80.
Për Konyasporin u aktivizua dhe futbollisti i kombëtares kosovare, Zymer Bytiqi nga minuta e parë e takimit. /oversport.tv
🔥🔥 83′ Cikalleshi
Trabzonspor 2-1 KonyasporBu hesap telif nedeniyle kapanacak, @goalforza_ sayfasını takip ediniz. pic.twitter.com/iEiSBOKqQm
— @goalforza_’yı takip ediniz. (@canligoltv_14) February 13, 2022