Në një tjetër episod çmendurie nga funerali në Londër, një i ri në patina vërshoi mbrëmë në drejtim të makinës së mbretit të ri Karl në një rrugë kryesore, para se të ndalohej nga policët e shumtë .
Personi i panjohur vërshoi me shpejtësi përballë autokolonës mbretërore që shkonte drejt Sheshit të Parlamentit mbrëmë rreth orës 7.40, para se të mundej përtokë nga disa policë që ndodheshin në rrethinat.
Makina e mbretit të ri po shkonte drejt sallës së Westminster për një tjetër natë homazhesh ndaj nënës së tij. Por pas eliminimit të rrezikut mbreti Karl III duket se vijoi udhëtimin e tij pa problem.
Policia tha për të përditshmen MailOnline: “Rreth orës 19:40 teksa automjetet e policisë po hynin në Sheshin e Parlamentit një kalimtar tentoi të kalonte në rrugën para tyre. Oficerët ndërhynë dhe neutralizuan burrin në tokë, për të ndaluar veprimet e tij”.
“Rrjedhimisht oficerët e policisë folën me të riun dhe e lanë të lirë pasi nuk dukej se kishte qëllime të rrezikshme”.
Top Channel
