Vetëm me miratimin e ligjit për praktikat e padrejta tregtare mund të zgjidhim institucionalisht problemin e rritjes së çmimeve të produkteve jo të tregtueshme. Prandaj i bëj apel deputetëve që ta votojnë ligjin që ka kohë që është në procedurë parlamentare, deklaroi zëvendëskryeministri për Çështje Ekonomike Fatmir Bytyqi. Ai theksoi se Inspektorati Shtetëror i Tregut është çdo ditë në terren dhe në momentin e parë kur vjen raporti nëse dhe cilat produkte kanë rritje të çmimeve, thotë se do t’i tregohet publikut, sidomos nëse bëhet në mënyrë të organizuar.
Bytyqi i bëri thirrje Komisionit për Mbrojtjen e Konkurrencës, të cilit tashmë i ka parashtruar ankesë, që ta përshpejtojë punën dhe siç tha ai, të përgjigjet nëse ka dukuri negative në shoqëri, siç është mënyra e organizuar e rritjes së çmimeve.
FATMIR BYTYÇI, ZËVENDËSKRYEMINISTRI PËR ÇËSHTJE EKONOMIKE
“Unë mendoj se përvojat në vendet e tjera dhe në rajon dhe në BE tregojnë se Komisioni është shumë më i shkathët dhe nuk lë hapësirë për një rritje të organizuar të çmimeve përtej asaj që është një rritje logjike”.
Ai shtoi se masa “çmimi i garantuar” u hoq sepse nuk përputhej me parimet e ekonomisë së tregut.
Projektligji për ndalimin e praktikave të padrejta tregtare në zinxhirin e furnizimit të produkteve bujqësore dhe ushqimore është futur në rendin e ditës të seancës së të sotme të Komisionit për Çështje Evropiane.
Medina Ajeti Ali /SHENJA/
MARKETING
