Do të luhen sot ndeshjet e pesta të fazës së grupeve të Champions League, takime që mund ti ndiqni live në platformën Tibo.
Juventusin dhe Milanin I presin 2 transferta të vështira dhe vendimtare për ecurinë e skuadrave në këtë kompeticion.
Bardhezinjtë duhet të fitojnë në Lisbonë përballë Benficas, që të mbajnë gjallë shpresat për një kualifikim të mundshëm. Një detyrë e vështirë pasi Juventusi nuk ka fituar asnjëherë në Lisbonë, bardhezinjtë kanë pësuar 3 humbje në 3 përballjet kundër Sportingut dhe Benficas.
Allegri vazhdon të ketë probleme me mungesat: Pogba, Di Maria, Chiesa, Bremer, Paredes dhe De Sciglio nuk do të luajnë sot.
Në pozita pak më komode, por sërish i detyruar të fitojë është edhe Milani i Piolit që duhet të triumfojë në Zagreb përballë Dinamos që të mbajë gjallë shpresat për kualifikim në turin tjetër të Champions League.
Dortmund-Manchester City, Leipzig-Real Madrid dhe Salzburg-Chelsea janë disa nga sfidat më interesante të mbrëmjes së sotme në Champions. /Oversport.tv
Matchday 5 ⌛️#UCL
— UEFA Champions League (@ChampionsLeague) October 24, 2022