VARSHAVË, 13 nëntor /ATSH-PAP/- Një e treta e migrantëve polakë kanë planifikuar të largohen ose janë të pavendosur për të qëndruar në Britaninë e Madhe për shkak të faktorëve të tillë si; diskriminimi në punë dhe ndjenja e padëshiruar pas epidemisë së Brexit dhe Covid-19, sipas një sondazhi të kryer nga akademikë në BM.
Sipas studimit, si arsye janë dhënë edhe kushtet e pasigurta të punës, pagat e ulëta dhe punët e pasigurta.
Hulumtimi u krye nga akademikë të Universitetit Middlesex, Universiteti i Glasgow dhe Universiteti i Sheffield.
Sondazhi përfshiu 1105 punëtorë polakë, 40 prej të cilëve punonin në industri të tilla si; kujdesi shëndetësor dhe social, transporti, arsimi dhe kujdesi për fëmijët, shërbimet komunale dhe prodhimi i mallrave.
Studimi tregoi se 28% prej tyre besonin se ishin të diskriminuar në vendin e punës. Punonjësit polakë të kujdesit shëndetësor dhe social pretendonin se trajtoheshin në mënyrë të pabarabartë në krahasim me migrantët e tjerë.
Më shumë se gjysma e të anketuarve (55%) deklaruan se mirëqenia e tyre mendore ishte përkeqësuar ndjeshëm (31%), (24%) gjatë pandemisë, ndërsa 40,2% e migrantëve polakë të anketuar thanë se gjendja e tyre financiare ishte përkeqesuar.
Në vitin 2016 dhe në fillim të vitit 2017, përpara referendumit të Brexit dhe menjëherë pas saj, kishte rreth një milion shtetas polakë që jetonin në BM, por numri i tyre tani mendohet të jetë rreth 700 000. //a.i/
