Holanda dhe Gjermania zhvilluan një miqësore tetë muaj nga fillimi i Kupës së Botës. Një ndeshje që në fakt nuk është kurrë miqësore, duke marrë parasysh të kaluarën mes dy skuadrave – ndeshje të paharrueshme si finalja e Kupës së Botës 1974 ose jashtëzakonisht e diskutueshme si ajo e Botërorit Itali ’90. Polemikat nuk kanë munguar as në këtë ndeshje. Por këtë herë nuk ishin episodet e arbitrimit apo mosmarrëveshjet mes lojtarëve për të krijuar diskutime. Por gjermanët u zemëruan kur morën vesh se trajneri Louis Van Gaal, ishte në pankinë pavarësisht se ishte pozitiv me Covid.
Të hënën, më 21 mars, lojtarët holandezë u grumbulluan për miqësoret dhe të nesërmen trajneri zbuloi se ishte pozitiv me Covid. Kështu Van Gaal humbi ndeshjen kundër Danimarkës, fituar 4-2 nga Holanda. Ndërsa miqësorja ndaj Gjermanisë u zhvillua të martën më 29 mars, takim që u mbyll me rezultatin 1-1.
Pozitiviteti i trajnerit u zbulua vetëm pas ndeshjes, kur në konferencën për shtyp trajneri u tha gazetarëve të mos afroheshin shumë dhe u justifikua duke thënë se ishte pozitiv: “Ju lutem mos u afroni, jam pozitiv me Covid”. Gjermanët u zemëruan shumë sepse Van Gaal doli në fushë pa maskë dhe pas ndeshjes përshëndeti, madje me dashuri me përqafime, futbollistët e Gjermanisë, në veçanti Thomas Muller. Trajneri i Gjermanisë Flick dhe lojtarët e tij nuk ishin të lumtur, për ta thënë butë, dhe tani ata shpresojnë të mos përsërisin infektimet në orët e ardhshme.
