Portierja e ekipit iranian të futbollit për femra, Zohreh Koudaei, është zotuar se do të padisë Federatëne Futbollit të Jordanisë pasi ata e akuzuan atë se ishte mashkull.
Zohreh Koudaei, 32 vjeç, priti dy penallti në një fitore 4-2 ndaj Jordanisë në Uzbekistan më 25 shtator, që do të thotë se skuadra iraniane e grave u kualifikua për Kupën e Azisë për Femra për herë të parë.
Por pas ndeshjes Federata e Futbollit të Jordanisë kërkoi ‘një kontroll të verifikimit gjinor’ për Koudaei nga Federata Aziatike e Futbollit (AFC).
“Unë do të padis Federatën e Futbollit të Jordanisë. Unë jam grua. Ky është bulizëm”, ka thënë ajo për gazetës turke Hurriyet.
Koudaei feston duke ngritur lart një nga shoqet e saj të skuadrës pas fitores 4-2.
Letra e Federatës së Jordanisë, e datës 5 nëntor, përmendte dyshime mbi ‘kualifikimin e një lojtareje pjesëmarrëse’.
Ata gjithashtu pretendonin se skuadra iraniane e femrave ‘ka një histori me çështjet gjinore dhe dopingun’ dhe bëri thirrje që të ndiqet ‘procesi i duhur’.
Presidenti i FA të Jordanisë, Princi Ali bin al-Hussein, e ndau letrën të shtunën, duke e quajtur atë një ‘çështje shumë serioze nëse është e vërtetë’ dhe duke kërkuar nga AFC të zgjohen.
Trajnerja e ekipit të Iranit, Maryam Irandoost, i tha faqes së lajmeve sportive Varzesh3 të dielën: “Stafi mjekësor ka ekzaminuar me kujdes çdo lojtare në ekipin kombëtar për sa i përket hormoneve për të shmangur ndonjë problem në këtë drejtim, dhe kështu u them të gjithë tifozëve të mos shqetësohen”.
