Bajram Jashanica ishte një nga protagonistët kryesorë të Ballkanit këtë sezon në kampionatin kosovar dhe dha një kontribut të madh në fitimin e titullit kampion për herë të parë në historinë e klubit.
Ish-mbrojtësit të Skënderbeut i përfundon kontrata me klubin nga Suhareka në muajt e ardhshëm dhe nuk dihet nëse do të vazhdojë me Ballkanin edhe sezonin e ardhshëm, apo do të provojë një aventurë të re.
“Panorama Sport” shkruan se janë tre skuadra të Superiores që kanë shfaqur interes për lojtarin (Partizani, Tirana dhe Kukësi), ndërsa kampionët e Kosovës i kanë bërë gati kontratën e re.
Tashmë topi kalon në anën e Bajram Jashanicës që duhet të vendosë se ku do të luajë sezonin e ardhshëm. / Oversport.tv
