Derbi i “shqiptarëve” në kampionatin kroat, mes Slaven Belupo dhe Varazdin u fitua nga vendasit.
Skuadra e Arbër Hoxhës fitoi me rezultatin 3-2 në një ndeshje që rezultoi shumë e luftuar dhe të cilën vendasit në fund e mbyllën me dhjetë lojtarë.
Slaven Belupo zhbllokoi sfidën në minutën e 16’ me Strkalj, ndërsa dy minuta më pas Arbër Hoxha shënoi golin e dytë për ekipin e tij, me pasimin e fundit që ia dhuroi ish-mesfushori i Egnatias, Agbekpornu.
Miqtë tentuan të reagonin dhe në minutën e 31’ mbrojtësi Jorgo Pëllumbi ngushtoi diferencën.
Në minutën e 38’ ishte një tjetër shqiptar që do të realizonte, mesfushori Agon Elezi barazoi për Varazdin.
Në minutën e 68’ Slaven Belupo mbeti me dhjetë lojtarë në fushën e lojës, pasi Liber mori kartonin e dytë të verdhë.
Megjithatë miqtë nuk ditën ta shfrytëzojnë superioritetin numerik, përkundrazi në minutën e 82’ Strkalj realizoi golin e tretë dhe të fitores për skuadrën e tij.
Pas javës së 11-të Slaven Belupo renditet në vend të tetë me 12 pikë, teksa Varazdin renditet në vend të pestë me 14 pikë./Supersport
Top Channel
