Koreja e Veriut lëshoi gjashtë raketa të tjera të mërkurën, duke e çuar numrin e përgjithshëm të llojeve të ndryshme të raketave të lëshuara nga vendi në një ditë drejt Lindjes dhe Detit të Verdhë në të paktën 25, ndërsa tensionet rriten mes stërvitjeve të përbashkëta ushtarake mes Koresë së Jugut dhe SHBA.
Koreja e Veriut lëshoi tri raketa balistike me rreze të shkurtër (SRBM) më herët në mëngjes, me një raketë që u ul në kufirin e saj de facto detar me Korenë e Jugut për herë të parë që nga fundi i Luftës Koreane të viteve 1950-1953.
Në qershor, Koreja e Veriut lansoi gjithashtu tetë SRBM në një ditë të vetme, por kjo është hera e parë që ajo ka lëshuar të paktën 25 raketa, disa prej të cilave nuk mund të zbuloheshin, gjurmoheshin ose kapeshin, raportoi Agjencia e Lajmeve Yonhap.
Sipas BNO News, lëshimet e raketave të së mërkurës nga Koreja e Veriut përbëjnë 11% të të gjitha lëshimeve të raketave nga vendi që nga viti 1953.
Provokimi i fundit duket se është në përgjigje të stërvitjeve ajrore pesëditore të kombinuara në shkallë të gjerë nga Koreja e Jugut dhe SHBA që nisën të hënën mes spekulimeve në rritje se Pheniani mund të kryejë së shpejti një provë bërthamore.
Top Channel
