Kampioni i Kosovës në futsall, FC Prishtina 01 është kualifikuar në ‘Main Round’ të Ligës së Kampionëve, pasi në turneun paraeliminator që u zhvillua në Poloni, ka arritur t’i mbyllë garat si lidere e grupit.
FC Prishtina 01 ka të drejtën e organizimit për Elite Raund. Ndeshjet do të zhvillohen në Pallatin e Rinisë dhe të Sporteve në Prishtinë.
Eventi që do të organizohet në Prishtinë nga 28 nëntori deri më 3 dhjetor, kur do të zhvillohen ndeshjet e Elite Round të Ligës së Kampionëve.
Portieri i FC Prishtina 01, Bajram Ramadani ka thënë se ata po përgatiten maksimalisht për ndeshjet që i presin.
“Stërvitjet janë duke shkuar me intenzitet të lartë dhe shumë të mirë. Jemi duke u përgatitur maksimalisht për ndeshjet që na presin. Do të mundohemi të dalim sa më mirë. Tifozët janë një lojtar më shumë për ne dhe kanë rëndësi shumë për ne” – ka thënë portieri Ramadani për lajmi.net.
FC Prishtina 01 do të përballet me dy ish kampionet e Ligës së Kampionëve në futsal, Benfica dhe Kairat, dhe sllovenët e Dobovec.
Storien e plotë të realizuar nga lajmi.net mund ta shikoni në videon e mëposhtme./Lajmi.net/
