“The Sydney Morning Herald”: Vizitoni Shqipërinë, vendin me bukuri natyrore të jashtëzakonshme

by admin
Spread the love
1a7253ebfd94147be1a9016b1f9dc492.jpeg

TIRANË, 31 mars /ATSH/ – Disa destinacione vizitohen nga një numër jashtëzakonisht i lartë turistësh, deri në atë pikë sa kthehet në një problem serioz. Nëse jeni duke kërkuar një vend për të shkuar me pushime, pse të mos shkoni në një nga destinacionet më mahnitëse në planet, të cilat nuk janë shumë të njohura, shkruan Ben Groundwater në të përditshmen australiane “The Sydney Morning Herald”.

Shqipëria është renditur ndër dhjetë destinacionet më të mira të rekomanduara për t’u vizituar në vitin 2024.

Shqipëria

Shqipëria është një vend me një bukuri natyrore të jashtëzakonshme, nga plazhet te malet dhe pyjet, si dhe historia unike dhe kultura moderne në lulëzim.

Shumë pushues po tërhiqen nga vija bregdetare, Riviera Shqiptare, e cila ofron çdo gjë me të cilat mburren edhe Greqia dhe Kroacia, por me një kosto më të ulët.

Ata që kanë kohë, duhet të shkojnë në brendësi të maleve, ku gjenden 15 parqe kombëtare dhe shumë fshatra në kodër, ose të eksplorojnë jetën e gallë të kryeqytetit, Tiranës.

Në jugun e largët të Shqipërisë, Butrinti ka qenë i banuar që nga kohërat parahistorike dhe ka qenë një bazë për grekët dhe romakët e lashtë.

Butrinti është parku arkeologjik më i madh në Shqipëri është gjithashtu një sit i Trashëgimisë Botërore të UNESCO-s.

Sezoni më i mirë për të vizituar destinacionin mesdhetar është vera, megjithëse vjeshta dhe pranvera janë gjithashtu të favorshme për pushime. //a.i/

https://www.smh.com.au/traveller/inspiration/ten-great-destinations-that-want-more-tourists-and-five-that-don-t-20240318-p5fd4m.html

 

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

You may also like