Nuk ka më hije për të luajtur në “play out” për Teutën pasi ka mposhtur në sfidën direkte Egnatian me rezultatin e pastër 3-1. Durrsakët triumfuan në shtëpi dhe dominuan takimin duke mos e vënë fitoren në diskutim në asnjë moment.
Pas vetëm 9 minutash lojë, Ledio Beqja zhbllokon takimin pasi realizoi me kokë duke i dhënë avantazhin Teutës. Megjithatë, të besuarit e Arapit nuk duan ta lënë të hapur sfidën dhe 4 minuta më vonë Klajdi Daci shfrytëzoi një kundërsulm të shpejtë i kaloi durrsakët në epërsinë e dyfishtë.
Egnatia provoi të rrezikonte nga ana tjetër, por edhe goli që arritën të shënonin u anulua për pozicion jashtë loje. Me këto shifra u mbyll edhe pjesa e parë, ndërsa në pjesën e dytë Peposhi shënoi edhe golin e qetësisë.
Peposhi u harrua i vetëm në zonën kundërshtare dhe përballë portierit nuk fali duke e ndalur më pas topin në rrjetë. Nga ana tjetër Egnatia rrezikoi duke goditur edhe tranversën, por nuk kishte fat që të finalizonte aksionet. Megjithatë, në sekondat e fundit Egnatia shënoi edhe golin e nderit me anë të Maganit që në fund pati vetëm vlera statistikore.
Kështu me këtë fitore Teuta siguron qëndrimin në Superiore dhe tashmë e thellon në 9 pikë diferencën me Egnatian kur kanë mbetur edhe 3 javë nga fundi i kampionatit.
Një penallti e realizuar në gol në sekondat e fundit nga Sabien Lilaj ka çuar zyrtarisht në Kategorinë e Parë ekipin e Skënderbeut pasi u ndal në barazim 1-1 me Dinamon. Goli i Berishës nuk mjaftoi për të besuarit e Gegës që në sekondat e fundit panë t’i akordoi një 11-metërsh në minutën e fundit për një prekje të topit me dorë.
Kështu, sfida ishte e luftuar shumë me të dyje ekipet që kishin vetëm një objektiv fitoren. Ndeshja pati një ritëm të mirë, ndërsa nuk munguan edhe rastet e rrezikshme nga ana e të dyja ekipeve.
Megjithatë, Rexhinaldo e Demiri nuk tregohen të saktë për Dinamon dhe nuk arrijnë dot të ndryshojnë rezultatin. Nga ana tjetër Berisha i shkon shumë pranë golit me Skënderbeun, por goditja e tij u ndal nga tranversa. Megjithatë, i njëjti lojtar arriti të zhbllokonte takimin në minutën e 83.
Kur pritej që ndeshja të përfundonte në favor të korçarëve, Enea Jorgji pas konsultimit me sistemin VAR akordoi një 11-metërsh për një prekje të topit me dorë në zonën e Skënderbeut. Përgjegjësinë e mori Sabien Lilaj që nuk gaboi duke i çuar shifrat në 1-1 dhe duke hedhur zyrtarisht në kategorinë e dytë Skëndebeun. Një pikë shprese nga ana tjetër për Dinamon që matematika e mban ende në lojë për mbijetesë edhe pse është pothuajse e pamundur. /oversport.tv
SUPERIORE – Java 33
Teuta – Egnatia 3-0
Shënues: Beqja 9′, Daci 13′, Peposhi 60′ / Magani 90+1’
Dinamo – Skënderbeu 1-1
Shënues: Lilaj (pen) 90+12’/ Berisha 83’