Nuk ka sinjale pozitive në prag të sfidës ndaj Kukësit për Teutën që mposhtet në testin miqësor të zhvilluar ndaj Dinamos. Durrsakët janë mposhtur me rezultatin e ngushtë 2-1.
Është Dinamo që zhbllokon shifrat e këtij takimi falë golit të Prodanit në minutën e 33, por Jazxhi vendos baraspeshën në fundin e pjesës së parë. Më pas për t’i dhënë fitoren Dinamos mendon Da Silva që vulos rezultatin në shifrat 2-1.
Për Teutën, trajneri i ri Edi Martini zgjodhi nga minuta e parë këto futbollistë: Qirko, Gjinollari, Marku, Kuros, Jazxhi, Kotobelli, L.Beqja, Karabeci, E.Vila, L.Vila, Hebaj. Nga ana tjetër tekniku Dede iu përgjigj me: Simoni, Vokrri, Dikson, Samake, Allmuca, Prodani, Smaçi, Daja, Bardhi, T. Marku, Denisson. /oversport.tv
