Një ndeshje e çmendur ka qenë kjo mes Konyasporit dhe Kasimpasas, ku në fund është mbyllur 4-4.
Nga minuta e parë në këtë ndeshje startuan Zymer Bytyqi (Konyaspor) dhe Florent Hadërgjonaj (Kasimpasa), ndërsa në pjesën e dytë u inkuadruan edhe Sokol Cikalleshi dhe Endri Çekiçi.
Kasimpasa ishte duke humbur 3-2 si mysafir, por arritën që të kthehen në kohën shtesë me një gol për 3-4.
Goli në minutën e 91-të u mendua se do të ishte ai i fitores për Kasimpasan, por për të marr një pikë për Konyaspor u përkujdes Sokol Cikalleshi.
Sulmuesi shqiptar ishte aktivizuar në fushën në minutën e 81-të dhe kur ishte minuta e 100, Cikalleshi shënoi nga pika e bardhë për 4-4.
Konyaspori del nga stadiumi me një pikë të rrëmbyer në sekondat e fundit dhe mban vendin e dytë në renditje me 49 pikë të grumbulluara.