Tifozët e Lazios nuk do të mund të udhëtojnë drejt Marsejës për ndeshjen e vlefshme të raundit të katërt të Europa League. Kështu është parashikuar në një urdhër të ministrit të brendshëm francez Gerald Darmanin.
Për të justifikuar zgjedhjen e tij, ministria flet për “sjellje të dhunshme” të disa mbështetësve të Lacios, të ndodhura “në mënyrë të përsëritur” me rastin e udhëtimeve jashtë vendit dhe gjithashtu i referohet “intonimit të përsëritur të këngëve fashiste dhe performancës së përshëndetjeve romake”.
Më pas ai kujton atë që ndodhi në tetor të vitit 2018, datën e ndeshjes së fundit në tokën franceze mes Olympique Marseille dhe Lazios me “katër persona të plagosur me thikë në një përleshje ku përfshiheshin 200 tifozë”. Së fundmi, përmenden edhe përplasjet mes tifozëve francezë dhe turq më 30 shtator në Marseille-Galatasaray.
PROTESTA E LAZIO-S: “OFENDIM PËR TIFOZËT”
“Lazio mban qëndrim kundër asaj që e konsideron si një fyerje për të gjithë tifozët bardhekaltër dhe për vetë klubin, i cili ka luftuar gjithmonë sjelljen e dhunshme dhe çdo lloj diskriminimi, brenda dhe jashtë stadiumeve, me veprime konkrete”, thuhet në shënim nga klubi i Lazios.
