Vëllai i madh i vendosi ditën e sotme të gjitha vajzat e shtëpisë së “Big Brother VIP” në një provë, teksa iu kërkua që të injorojnë djemtë. Kjo lojë ka sjellë një situatë të vështirë mes çiftit Kiara – Luiz. Duket se këngëtari nuk e ka duruar dot injorimin e partneres së tij, duke e detyruar kështu që ajo të prishë lojën.
Luizi e ka kapur teksa e dashura e tij po qëndronte mes dy lavamanëve dhe nuk e ka lënë të dilte që aty. Kjo situatë e ka shqetësuar Kiarën, e cila u shpreh se po i merrej fryma dhe se nuk po ndihej mirë, por Luizi nuk e lejoi të dilte derisa ajo të prishte lojën.
Pas kësaj situate të krijuar në tualet, Kiara doli e përlotur në oborr ku pati një debat të ashpër me Luizin, duke i thënë ‘Si nuk të vjen zor’. Në oborr, ajo i tha ndër të tjera këngëtarit që një herë të vetme që i vjen mundësia të ketë një avantazh në lojë, ai nuk e lë atë të qetë.
Luizi: Për çka moj Kiarë, po bën tash kështu?
Olta: Ne do të fitonim diçka të lezetshme, por që se dimë fare!
Luizi: Ku di unë…
Olta: Unë e thashë disa herë
Luis: A mund ta di ça ke?
Kiara: Dhe një herë të vetme që na jepet një avantazh në lojë, ti tenton ta prishësh, duke më shtyrë aty te cepi… të të vijë zor, m’u hiq nga këtu
