Një histori vërtetë interesante mund të ndodhë në sfidën finale midis fituesit të Euro 2020, Italisë dhe Argjentinës që fitoi Copa America. Sipas asaj që raporton “TycSports”, mbrojtësi i Feyenoord, Marcos Senesi mund të grumbullohet në këtë sfidë nga të dy kombëtaret.
Ai ende nuk e ka zgjedhur se kë kombëtare do të përfaqësojë dhe falë pasaportave të tij ka mundësi të zgjedhë dy. Roberto Mancini po mendon të grumbullojë mbrojtësin 24-vjeçar pikërisht në finalen me Argjentinën. Nga ana tjetër edhe Lionel Scaloni po planifikojë të bëjë të njëjtën gjë.
Në rast se diçka e tillë ndodhë, atëherë Senesi do të bëhet futbollisti i parë në historinë e këtij sporti që grumbullohet nga dy kombëtare për të njëjtën sfidë. Gjithmonë nëse kjo ndodh, fansat janë gjithashtu kurioz të shohin se kë kombëtare do të zgjedhë Senesi. /oversport.tv
Foto: Feyenoord Rotterdam, Facebook
