Rreth orës 07.00 të mëngjesit më 7 mars 2022, një 31-vjeçar nga Maqedonia e Veriut nga rrethina e ëels-Land po drejtonte një kamion nga kompania e tij në komunën Edt pranë Lambach, përgjatë L537 në drejtim të B144.
Pasi harroi të tërhiqte krahun e vinçit në kamion gjatë udhëtimit të tij, ai u përplas me një urë hekurudhore në linjën hekurudhore lokale Lambach-Gmunden, informon portali Shtegu.
Në të njëjtën kohë, një 60-vjeçar nga rrethi Vöcklabruck e drejtoi makinën e tij në drejtim të kundërt. Gjatë lëvizjes në të njëjtën kohë përmes nënkalimit hekurudhor, përplasja bëri që disa copa betoni të binin nga ura mbi makinën, duke e dëmtuar atë.
Fatmirësisht vetë drejtuesi i mjetit nuk ka pësuar lëndime. Megjithatë, 31-vjeçari ka pësuar lëndime të një shkalle të papërcaktuar dhe është shtruar në klinikën Wels.
