Interi i javëve të fundit nuk ka marrë rezultatet e pritshme. Kundër Torino vetëm në shtesë u shmang humbja, ndërkohë që tani në kampin zikaltër po mendojnë për ndeshjen e së shtunës ndaj Fiorentinës.
Situata tek Interi nuk është fort e mirë. Në seancën e sotme ka munguar mesfushori Arturo Vidal, i cili po kalon një grip të lehtë.
Kështu shkruan në Twitter gazetari i Sky Sport, Matteo Barzaghi. Mes të tjerash ai bën me dije se edhe De Vrij e Brozovic rrezikojnë, pasi kanë bërë terapi dhe stërvitje të personalizuar.
Kështu ata mund të mungojnë edhe në ndeshjen kundër Fiorentinës, që është një nga më të vështirat që u ka mbetur deri në fund kampionëve në fuqi të Italisë. / oversport.tv