UASHINGTON, 5 prill /ATSH-DPA/ – Sekretari amerikan i Shtetit, Antony Blinken paralajmëroi Izraelin se ndihma humanitare për popullsinë civile të Gazës duhet të ofrohet në mënyrë të qëndrueshme dhe pa ndërprerje.
Diplomati i lartë i SHBA përshëndeti lëvizjet për të rritur dërgesat përmes Jordanisë, hapjen e përkohshme të kalimit kufitar Erez dhe përdorimin e portit ”Ashdod” për të ofruar ndihma.
“Testi i vërtetë janë rezultatet, dhe kjo është ajo që ne shpresojmë të shohim në ditët dhe javët në vijim”, theksoi ai.
Blinken tha se ‘’Shtetet e Bashkuara do të vëzhgojnë nga afër numrin e automjeteve që hyjnë në Gaza për të ofruar ndihma, duke monitoruar vonesat dhe pengesat dhe do të monitorojnë se si shpërndahet ndihma’’.
Ai tha gjithashtu se Shtetet e Bashkuara duan të shohin përgjegjësi pas sulmit ajror izraelit në fillim të kësaj jave që vrau shtatë punëtorë në bamirësinë ndërkombëtare të ushqimit World Central Kitchen./ /os/