Shefi i mbikëqyrjes atomike të OKB-së, Rafael Grossi tha se linja e sapo rregulluar, u ndërpre për të dytën herë brenda pesë ditësh.
“Ekipi ynë në centralin bërthamor Zaporizhzhya më informoi këtë mëngjes se termocentrali ka humbur të gjithë fuqinë e tij të jashtme për herën e dytë në pesë ditë”, deklaroi Grossi në Twitter.
Njëkohësisht ai bëri sërish thirrje për një zonë mbrojtëse rreth termocentralit për të parandaluar granatimet pranë objektit.
Centrali më i madh bërthamor i Evropës ka qenë nën kontrollin rus që nga marsi dhe ndodhet pranë vijës së parë të luftës në territorin që Presidenti Vladimir Putin ka thënë se është aneksuar nga Rusia.
