Policia e ka ndaluar punën e makinerive të rënda që po nxirrnin zhavorr, duke e dëmtuar kështu shtratin e lumit “Drini i Bardhë”.
Njësia për Hetimin e Krimeve Mjedisore, më 18 korrik, kishte pranuar informatë se në fshatin Krushë e Madhe të Rahovecit, në një lokacion afër lumit Drini i Bardhë, një kompani është duke nxjerrë zhavorr në mënyrë ilegale.
Kjo njësi bashkë me inspektorë të agjencisë kompetente kanë dalë në vendin e ngjarjes, ku kanë ndaluar punën e ekskavatorit dhe kamionit, të cilët po nxirrnin zhavorr.
Mjetet e rënda janë sekuestruar deri në një vendim tjetër, derisa në koordinim me Prokurorinë Themelore në Gjakovë është iniciuar rasti “Ndotja, Degradimi ose Shkatërrimi i Mjedisit”.
