Gjykata kushtetuese sot do ta mbajë seancën e 31-të në të cilën janë paraparë katër nisma për vlerësimin e kushtetutshmërisë.
Nisma e parë është dorëzuar nga Shoqëria për prodhim dhe bujqësi DUBROVO SHPKNJ fshati Dubrovë, Negotinë, prezantuar nga menaxheri Lativ Bejaz nga Velesi, – përfaqësuar përmes avokatit të autorizuar Jovançe Cilakov nga Velesi, ndërsa i referohet vendimit për ndryshimin dhe plotësimin e PPU-së për zonën e punës “Dubrovë- Tremnik”, komuna Negotinë, nr. 07-201/11 të datës 19.07.2001 (Gazeta zyrtare e Komunës së Negotinës nr. 13 e vitit 2001) dhe vendimi i komunës ës Negotinës nr. 08-76/7 të datës 14.03.2017 për përcaktimin e planit urbanistik jashtë vendbanimit Dubrovë dhe Tremnik (KO Dubrovë, KO Tremnik), komuna e Negotinës (Gazeta Zyrtare e Komunës së Negotinës nr. 3 e vitit 2017) .
Lidhur me vlerësimin e tarifës për shpërblimin dhe kompensimin e shpenzimeve të punës së avokatëve, parashtrues i nismës është Sande Pejovski, i cili ndër të tjera thekson se kjo është miratuar në bazë të Ligjit për Avokatinë, por ai është në kundërshtim me nenin 60 paragrafi 2, sepse me këtë tarif zbrazet Buxheti i shtetit kur avokatët përfaqësojnë zyrtarisht dhe buxheti i qytetarëve kur i përfaqësojnë ata. Sipas pretendimeve, Tarifa mund të propozohet nga Kryetari i Odës së Avokatëve, por ai nuk mund ta nënshkruajë dhe ta miratojë atë, sepse Ministri i Drejtësisë është përgjegjës faktikisht dhe funksionalisht për të.
Alen Dereban dhe qytetarë të tjerë janë parashtrues të nismës lidhur me vendimin për vendosjen e pllakës përkujtimore me nr.08-4322, të miratuar nga Këshilli i Komunës së Strugës më 27.10.2022. Parashtruesit, kumtuan nga Gjykata Kushtetuese thonë se Këshilli i Komunës së Strugës ka marrë Vendim për vendosjen e memorialit, një monument betoni me përmasa gati 3 metra lartësi dhe 2 metra gjerësi, në shëtitoren në kejin e lumit Drini Zi, investitor i të cilit është konsullata e Kosovës në Republikën e Maqedonisë së Veriut. Theksohet se vendimi është marrë pa rishikuar projektin bazë dhe dokumentacionin teknik dhe nuk ishte paraparë as në PDU e as në PPU të Komunës së Strugës. Gjithashtu thuhet se Komuna nuk ka miratuar program për përkujtimin e ngjarjeve të rëndësishme dhe personave të dalluar me monumente përkujtimore. Parashtruesit konsiderojnë se Vendimi bie ndesh me disa dispozita të Ligjit për Monumentet Memoriale dhe monumentet përkujtimore.
Sindikata e policisë në Maqedoni është parashtruese e nismës për nenin 276 paragrafi 2 nga Marrëveshja kolektive e MPB-së. Parashtruesi thekson se dispozitat e kontestuara janë në kundërshtim me nenin 37 të Kushtetutës i cili mbron të drejtën e qytetarëve për të krijuar sindikata për realizimin e të drejtave të tyre ekonomike dhe sociale. Në kumtesën e Gjykatës Kushtetuese gjithashtu qëndron se anëtari kontestues e sjell Sindikatën në pozitë të pabarabartë dhe diskriminuese dhe se nuk mund t’i përfaqësojë në mënyrë të barabartë të drejtat e anëtarëve të tij, për dallim nga Sindikata e Policisë e Maqedonisë anëtarët e të cilit lirohen nga puna edhe deri në 40 orë në vit.
