Roma mori fitore ndaj Spezias, pas dy humbjeve radhazi në Serie A, shkruan Insporti.
Skuadra e udhëhequr nga Jose Mourinho priti Spezian në kuadër të xhiros së 17-të në Serie A.
Goli i parë i Romës erdhi herët në minutën e 6’ të ndeshjes, kur Chris Smalling shënoi për 1:0.
Gjatë pjesës së parë të këtij takimi ndodhi edhe një ngjarje e dhimbshme, kur pas gjysmë ore lojë, një tifoz 30 vjeçar pësoi arrest kardiak dhe u dërgua në spital.
Pjesa e dytë i takoi po ashtu Romës, që shënoi edhe edhe një gol tjetër. Ibanez ishte lojtari që gjeti golin, në minutën e 56’ të takimit.
Kumbulla startoi për Romën dhe u vlerësua me notën 7.9, teksa për Manaj që zhvilloi 90 minuta me Spezian u vlerësua me notën 6.9.
Rey Manaj gjeti golin por më pas VAR ia anuloi për pozicion të parregullt.
Roma me këtë fitore shkon në kuotën e 28 pikëve për pozitën e gjashtë, derisa Spezia mbetet me 12 pikë në pozitën 17.
/Insporti.com
