RIGË, 15 janar /ATSH-DPA/- Estonia do të blejë 12 obusë vetëlëvizës të tjerë nga Koreja e Jugut, ndërsa vendi baltik rrit kapacitetin e tij ushtarak pas pushtimit rus të Ukrainës.
Qendra e Estonisë për Investimet e Mbrojtjes në kryeqytetin Talin njoftoi dje marrëveshjen me vlerë 36 milionë euro (39 milionë dollarë).
Sistemet e armëve vetëlëvizëse “K9 Thunder” të prodhuara nga kompania e armëve koreano-jugore “Hanwha Techwin” do të dorëzohen deri në vitin 2026.
Lufta e Rusisë kundër Ukrainës shihet në Estoni si një kërcënim i drejtpërdrejtë i sigurisë. Qeveria është përgjigjur duke rritur shpenzimet ushtarake dhe përmirësuar masivisht forcat e armatosura.//a.i/