Pozitë e opozitë e shohin të rrezikshëm ndikimin rus, Kosova të jetë në krah me perëndimin

by admin
Spread the love

Ndikimi i Rusisë përmes Serbisë po vazhdon ta trazojë edhe më tutje
Ballkanin Perëndimor, e në veçanti Kosovën, raporton Ekonomia Online.

Deputeti i Lëvizjes Vetëvendosje, Armend Muja dhe ai i PDK-së, Rashit
Qalaj, e shohin Kosovën në një betejë ndërmjet botës evropiane e asaj serbe.

Muja, thotë se historikisht Kosova është vendosur përkrah perëndimit.

“Aktualisht në Evropë janë dy beteja e demokratëve për të rigjeneruar
vlerat evropiane, demokracisë, pluralizmit e të drejtave të njeriu e kështu më
radhë, e në kampin tjetër janë ato modelet arkaike që lindin me ato botët e
famshme e projekte të mesjetës prej Rusisë e deri të Serbia, e ato i sheh duke
u ndesh në Bosnjë dhe në Kosovë dhe aktualisht ne jemi në një betejë ndërmjet
botës evropiane e asaj serbe, pra kështu po ballafaqohet Kosova dhe natyrshëm
në Kosovë është vendosur që historikisht që vendimi perëndimor edhe do ta bëjë
këtë përpjekje që ta kundërshtojë këto fantazira gjeopolotike të Rusisë apo të
akterëve tjerë bashkëpunëtor”, u shpreh Muja.

“Modeli i rus dhe ai serb fokusohet në këtë mënyrë, pra në mungesë
demokracisë, në luftë ndaj medieve dhe e rëndësishme që nuk janë në gjendje me
e pranuar është ngjashëm një valë e demokracisë siç ka qenë në Kosovë,
detyrimisht ai përfaqësuesi politik duhet të jetë prodhim i interesave
gjeostrategjike por assesi atë nuk mund ta zgjedh populli, dhe këtë e kemi në
Kosovë dhe Ukrainë dhe ata janë të interesuar të ndodh kështu, dhe kjo është e
rrezikshme. ËShtë pothuajse e rrezikshme edhe për oligarkitë që i mbajnë
Vuçiqin dhe Putinin në pushtet”, tha ai.

Ndërkaq ish-drejtori i Policisë së Kosovës, Rashit Qalaj, thotë për
Ekonomia Online se politika strategjike e Rusisë është që të shtrijë ndikimin
në tërë regjionin e Ballkanit e posaçërisht në Kosovë.

“Politika strategjike e Rusisë është që të shtrijë ndikimin sa më të madh edhe në tërë regjionin e Ballkanit dhe posaçërisht në Kosovë. Mendoj që Policia e Kosovës është nivel detyre dhe iu dëshiroj çdo të mirë atyre”, ka thënë Qalaj për EO.

Lexo lajme interesante

You may also like