Drejtori i Zyrës për Kosovën në Qeverinë e Serbisë, Petar Petkoviq, ka thënë se marrëveshja e së enjtes e nënshkruar në Bruksel është e një rëndësie të veçantë për ta.
Për të pjesa më e rëndësishme është ajo për tërheqjen e Njësisë Speciale të Policisë së Kosovës dhe dërgimi i forcave të KFOR-it në veri, raporton RTS, transmeton Klankosova.tv.
“Më e rëndësishmja për njerëzit tanë nga kjo marrëveshje është largimi i Njësive Speciale dhe dërgimi i KFOR-it me anë të së cilës fuqizohet Rezoluta 1244”, ka thënë Petkoviq.
Ai më tej ka thënë se sipas marrëveshjes nuk do të ketë largim të targave “KM” në pjesën veriore.
