PEKIN, 30 nëntor /ATSH-AA/ – Kina njoftoi të enjten për bashkëpunimin e saj me SHBA-në për rivendosjen e komunikimit ushtarak të nivelit të lartë.
“Kina dhe autoritetet e mbrojtjes amerikane po komunikojnë dhe bashkërendojnë për rifillimin e komunikimeve ushtarake të nivelit të lartë”, deklaroi Ministria kineze e Mbrojtjes, sipas ”China Daily” me bazë në Pekin.
Pekini ndërpreu komunikimin ushtarak të nivelit të lartë me Pentagonin pasi kryetarja e atëhershme e Dhomës së Përfaqësuesve, Nancy Pelosi, bëri një udhëtim të paparalajmëruar në gusht të vitit të kaluar në Tajvan, të cilin Kina e konsideron “provincën e saj të shkëputur”.
Sinjali për rifillimin e dialogut të nivelit të lartë vjen pasi presidenti i Kinës, Xi Jinping, bëri një vizitë zyrtare në SHBA në fillim të këtij muaji, ku u takua me homologun e tij Joe Biden./ /os/