Partizani i Tiranës synon të përforcohet në mënyrën më të mirë të mundshme në këtë afat kalimtar dimëror.
Klubi i madh nga Shqipëria tashmë ka nisur lëvizjet e para në këtë drejtim.
Kryeqytetasit kësaj radhe kanë vendosur që të “peshkojnë” në elitën e futbollit kosovar, saktësisht te klubet e Superligës së Kosovës.
Në shënjestrën e Partizanit janë tre futbollistë që aktivizohen në Kosovë.
Bëhet fjalë për Bajram Jashanicën e Ballkanit, Erjon Vucajn e Dritës dhe Gledi Micin e Prishtinës.
Të tre futbollistët e lartëpërmendur, gazeta kupton se mund të ndryshojnë ambient në këtë afat kalimtar të janarit.
Përpos kësaj, dje (e diele), FrontOnline raportoi se Partizani është në bisedime me Osijekun për ta transferuar “bomberin” gjilanas, Mirlind Daku.
Ndryshe, pas 15 javësh në Kategorinë Superiore këtë edicion, Partizani ndodhet në vendin e pestë me 18 pikë të tubuara, 15 pikë larg liderit, Tiranës.
