Partizani është në kërkim të një portieri të ri që do të zëvendësojë Alban Hoxhën. Gardiani i “Demave” mund të largohet nga ekipi dhe drejtuesit e kuq janë duke punuar fuqishëm për të gjetur një tjetër portier që do ta zëvendësojë atë.
Sipas asaj që raporton “Panorama Sport”, i zgjedhuri për të zëvendësuar Hoxhën është Bekim Rexhepi. Së fundmi Rexhepi ka mbrojtur ngjyrat e Skënderbeut, ndërsa tashmë është pa ekip/
Drejtuesit e “Demave” kanë nisur kontaktet me 25-vjeçarin dhe i kanë shprehur vullnetin e tyre për të afruar portierin. Edhe dëshira e portierit është që të veshë fanellën e kuqe, ndërsa në ditët në vijim pritet të ketë më shumë konfirmime. /oversport.tv