Ministri i Punëve të Jashtme, Bujar Osmani përmes një shkrimi në rrjetet sociale ka paralajmëruar krijimin e kushtetve për një linjë direkte ajrore Shkup- Nju Jork.
Ai ka theksuar se kjo po ndodhë në kuadër të Dialogut Strategjik RMV-SHBA, po punohet për thellimin e bashkëpunimit mes bizneseve të dy vendeve.
“Në kuadër të Dialogut Strategjik ndërmjet Maqedonisë së Veriut dhe ShBA-së, në fushën “Tregtia dhe investimet” po punohet në: Organizimin e një Forumi të madh biznesi ndërmjet dy vendeve, me qëllim tërheqjen e investitorëve të huaj nga SHBA dhe rritjen e shkëmbimit tregtar. Krijimin e linjës direkte ajrore Shkup – Nju Jork, e cila do të rezultojë në afrimin e mëtejshëm të vendeve, forcimin e bashkëpunimit ekonomik dhe lidhjeve të biznesit”, deklaroi ministri i jashtëm, Osmani.
