Bayern Munich po mendon të përforcojë mesfushën. Me Corentin Tolisso që pritet të largohet me parametra zero, gjermanët kanë në shënjestër një holandez.
Bëhet fjalë për mesfushorin e Ajax, Ryan Gravenberch. I riu, të cilin e krahasojnë shpesh me Paul Pogba dhe ka menaxher të famshmin Mino Raiola, ka kontratë deri më 30 qershor 2023.
Sipas ekspertit të merkatos, Fabrizio Romano, Bayern Munich ka bërë ofertë zyrtare dhe ofron 15 milionë euro për shërbimet e mesfushorit.
Në marrëveshje do të ketë edhe klazuola për bonuse të ndryshme që mund të kapin shifrën e 10 milionë eurove.
Ajax gjithsesi nuk është i kënaqur me ofertën e parë. Bisedimet kanë nisur dhe priten zhvillime në ditët në vazhdim. / oversport.tv
Ryan Gravenberch deal. Bayern official bid is €15m guaranteed plus add-ons, I’m told. Variables could reach €10m in many years – potential €25m total value. 🚨 #FCBayern
Ajax want more, negotiation has just started. Ryan’s out of contract in 2023 and won’t sign a new deal. pic.twitter.com/vwZ9X1E8PQ
— Fabrizio Romano (@FabrizioRomano) March 21, 2022
Foto: FC Bayern Munchen, Twitter