Ai është një garanci si për të tashmen edhe për të ardhmen, prandaj Milani kërkon që të blindojë mbrojtësin anglez Fikayo Tomori, që vesh fanellën kuqezi që nga janari i vitit 2021.
Pas bisedimeve të javëve të fundit, dita e sotme mund të jetë e duhura për të firmosur rinovimin e kontratës (me rritje page), që do ta lidhë mbrojtësin me “djallin” deri në vitin 2027, dy vite më shumë se sa kontrata aktuale.
Agjentët e lojtarit kanë shkuar në “Casa Milan” për tu takuar me njerëzit e merkatos kuqezi dhe pritet që gjatë ditës së sotme të firmoset marrëveshja e re.
Kujtojmë që Tomori erdhi në huazim nga Chelsea në janar të vitit 2021 dhe pas 6 muajsh Milani shfrytëzoi të drejtën e blerjes për 28.5 milionë euro. / Oversport.tv