Ngjela: Serbia po kërkon destabilizimin e Shqipërisë përmes “Foltoreve” të Berishës

by admin
Spread the love

Avokat Spartak Ngjela dhe juristi Romeo Kara kanë komentuar zhvillimet brenda Partisë Demorkatike, ndërsa kanë shpërthyer në akuza të forta në adresë të ish-kryeministrit Sali Berisha. Fillimisht, ka qenë avokat Ngjela, i cili përmes një statusi në rrjetet sociale, se Beogradi po kërkon në Shqipëri një konflikt Veri-Jug, njëlloj siç e kërkoi edhe përgjatë vitit të mbrapshtë 1999, ndërsa theksoi se për t’ia arritur kësaj po përdoret “Foltorja” e Berishës. Sipas tij, Berisha është tej mase i rrezikuar në pranon ofertën serbe pasi rrezikon të ekstradohet dhe gjykohet në SHBA.

“Kemi të dhëna të sigurta se Beogradi po kërkon në Shqipëri një konflikt Veri-JUG; njëlloj siç e kërkoi edhe përgjatë vitit të mbrapshtë 1999. Tani po e kërkon pikërisht gjatë foltoreve të Sali Berishës. A do ta pranojë sërish Berisha këtë kërkesë të Beogradit, siç bëri edhe në vitin 1999? Le ta provojë po të dojë, por të mos e harrojë faktin se ndërkohë është non-grata në Shtetet e Bashkuara dhe, ligji i ri për ekstradimin midis Shqipërisë dhe Shteteve të Bashkuara të Amerikës, i miratuar në korrik të këtij viti, është në gatishmëri për çdo orvatje të tillë. Le të presim e të shikojmë”, shkruan avokat Spartak Ngjela.

Nga ana tjetër, edhe juristi Romeo Kara ka sulmuar dhe hedhur dje akuza në rrjetet sociale për ish-kryeministrin Sali Berisha.

“Berisha në jerm i shet mend Yuri Kimit duke i deklaruar: “Ne e kemi përmbysur diktatorin që u jepte bar shqiptarëve ndaj ju garantoj se në zyrën time nuk do shkelësh kurrë pa u kërkuar falje shqiptarëve për barin”. Me sa dimë, diktatori ndërroi jetë në prill të 1985, ndërsa sistemi u shkërmoq në fund të vitit 1990. Si ta kuptojmë përmbysjen që i bëri Berisha në 1990 diktatorit që ndërroi jetë më 1985? Nuk po flasim pastaj se, çfarë heroizmash ka bërë vetë pikërisht ky i vetëquajtur hero i demokracisë”, shkruan juristi Romeo Kara.

Lajme interesante

You may also like