Arjola Demiri është një prej konkurrenteve më të komentuara të Big Brother VIP.
Që nga fillimi i spektaklit, ajo ka rrëfyer shumë sfida si të jetës private ashtu edhe të saj profesionale.
Ndonëse konsiderohet si një prej aktoreve më të mira shqiptare, ajo në një diskutim të radhës me banorët e shtëpisë ka thënë se e njëjta gjë nuk ndodh edhe në jetën reale.
Aktorja u shpreh se në jetë është një ‘aktore e dështuar’, pasi nuk mund të shtiret, po është çdo herë vetja.
“Në jetën jam aktore e dështuar, nëse dua të bëj aktrim nuk e bëj dot, nuk di të mbaj atë qëndrimin të shtirur,. Ka njerëz që nuk e kanë profesion aktrimin dhe din të aktrojnë shumë bukur, në ndjenja dhe në të gjitha”, është shprehur Arjola gjatë diskutimit.
Ndërkohë, mbrëmë (e diel) banorët kanë festuar 28 nëntorin, të veshur me kostume tradicionale shqiptare dhe këngë të vjetra shqipe.
Ndryshe, kujtojmë që javë që lamë pas u eliminua me votën e publikut Semi Jaupaj, ndërsa me dëshirën e saj nga shtëpia e BBV është larguar edhe këngëtarja nga Kosova, Fifi.
