Edicioni i dytë i reality show-t më të ndjekur në Shqipëri, Big Brother VIP 2 ka nisur që nga e shtuna e 24 dhjetorit, në prag të Krishtlindjes. Edhe pse kanë kaluar pak ditë që nga nisja e këtij program, kanë nisur edhe ngacmimet e debatet e para në shtëpi.
Tashmë banorët njihen me njëri-tjetrin dhe sigurisht që kanë krijuar edhe afrimitet. Mirëpo, teksa pritet që puthja e parë të ndodhë mes një vajze e një djali, ka ndodhur e kundërta. Puthja ka ardhur mes dy vajzave, pikërisht mes Teas e Dea Mishelit.
Pas një debati me njëra-tjetrën në oborrin e shtëpisë më të famshme, dy vajzat kanë dhuruar një puthje në buzë njëra-tjetrës. Ka qenë pikërisht Dea Mishel ajo e cila i është afruar Teas dhe i ka dhënë puthjen në buzë ish-konkurrentes së Përputhen.
Kjo video është bërë virale në rrjete sociale, duke tërhequr vëmendjen e të gjithëve e duke marrë shumë komente.
