Rayo Vallecano, pas gjashtë humbjesh radhazi, ka marrë një pikë kundër Sevilla që rivalizon me Real Madrid për titullin kampion. Ky duel përfundoi me rezultatin 1-1 dhe ishte skuadra e Ivan Balliut që shënoi e para.
Goli erdhi në minutën e parë të pjesës së dytë, kur Bebe e dërvoi topin në rrjetë. Në minutën e 11-të për Sevilla ishte anuluar një gol i Rafa Mir, me VAR, për një prekje të topit me dorë.
Skuadra Julian Lopetegui u hodh në sulm dhe ia doli të barazonte me anë të Thomas Delaney. Një pikë për skuadrën nga Andaluzia, që e ndjeu lodhjen e Europa League, dhe nuk bëri një ndeshje të mirë sot.
Tani Sevilla ka 7 pikë më pak se Real Madrid, që kryeson dhe ka një ndeshje më pak. Sikurse kuptohet, titulli është drejt kryeqytetit spanjoll edhe këtë sezon. / oversport.tv