NASA publikoi analizën e saj të shumëpritur të materialeve të grumbulluara nga një asteroid i lashtë që mund të përplaset në Tokë në 150 vjet. Agjencia hapësinore dërgoi një sondë në asteroidin Bennu në vitin 2020 si pjesë e një misioni historik për të mbledhur mostra, të cilat po studiohen në një laborator në Teksas.
Rezultatet treguan se shkëmbi hapësinor – i cili ka një shans për t’u përplasur në Tokë në 2182 – përmban ujë dhe një sasi të madhe karboni që sugjeron se asteroidët si Bennu mund të kenë hedhur hapat fillestar për fillimin e jetës në Tokë. NASA tha se zbulimet mund të japin të dhëna se si u formua jeta në Tokë dhe të shërbejë si një kapsulë kohore që nga ditët e para të sistemit tonë diellor.
Mostrat do të përmirësojnë gjithashtu të kuptuarit tonë për mbrojtjen e Tokës nga asteroidet si Bennu në të ardhmen, pasi misioni i lejoi NASA-s të masë rrotullimin e asteroidit. Lori Glaze, drejtore e divizionit të shkencës planetare të NASA-s, tha: “Ajo që ne vërtet duam të dimë është nëse një asteroid do të kalojë mbi orbitën e Tokës në të njëjtën kohë që Toka gjendent në atë vend, dhe ne duam të mos jemi në atë vend kur vjen një asteroid.”
“Karboni i pranishëm sa gati 5% e peshës, duke e tejkaluar shumë objektivin tonë prej 60 g, kjo është mostra më e madhe e asteroidit të pasur me karbon që është analizuar ndonjëherë në tokë,” tha Nelson. “Ata do të na ndihmojnë të përcaktojmë origjinën e elementeve që mund të kenë çuar në fillimin e jetës.”
