Napoli ka gjetur më në fund portierin që do të zëvendësojë të larguarin Ospina. Do të jetë Salvatore Sirigu ai që do të veshë fanellën e Napolit, ku do të luftojë për një vend titullari me Meret.
Lajmin e ka bërë të ditur vetë klubi napoletan me anë të një njoftimi në faqen zyrtare. Salvatore Sirigu është transferuar si një lojtarë i lirë në këtë merkato vere, pasi i përfundoi kontrata me Genoan.
Kështu, pasi dështuan në përpjekjet për të transferuar gardianin e Chelsea, Kepa, Luciano Spalletti duhet të mjaftohet me ish-portierin e Genoas. Sipas mediave italiane ai pritet të shërbejë si numër 12, pasi titullar konsiderohet Meret. /oversport.tv
Benvenuto Salvatore 👋
💙 #ForzaNapoliSempre pic.twitter.com/VDq942y5Qn
— Official SSC Napoli (@sscnapoli) August 11, 2022
Foto: Official SSC Napoli, Twitter