MOSKË, 1 shkurt /ATSH-ANSA/ – Gazetari dhe ish-deputeti i njohur rus Aleksandër Nevzorov u dënua në mungesë nga një gjykatë në Moskë me tetë vjet burgim për shkak se ai u shpall fajtor për përhapjen e “informacionit të rremë” në lidhje me operacionin ushtarak rus në Ukrainë.
Në veçanti ai u akuzua për akuzëm se sipas tij ‘’forcat ruse kishte kryer një bombardim të qëllimshëm në një spital për fëmijë në Mariupol’’.
Nezvorov, i cili ndërkohë është larguar nga Rusia dhe nuk ka marrë pjesë në seancat dëgjimore, u padit në mars të vitit të kaluar me akuzat se, ndër të tjera, kishte publikuar “foto të pasakta të civilëve të prekur nga bombardimet”.
Gazetari 64-vjeçar ka një kanal në YouTube të ndjekur nga gati dy milionë përdorues.
Pas fillimit të operacionit ushtarak në Ukrainë, autoritetet ruse kanë miratuar një ligj të ri i cili parashikon dënime të rënda për shpërndarjen e lajmeve të rreme ose shpifëse kundër forcave të armatosura nga Moska.
Disa aktivistë dhe gazetarë tashmë janë dënuar sipas legjislacionit. /os/
