MOSKË, 29 tetor /ATSH-DPA/-Rusia ka anuluar marrëveshjen për transportin e grurit ukrainas nga portet në Detin e Zi, duke përmendur “sulmet terroriste” në flotën e saj të Detit të Zi, në Sevastopol.
Ministria e Mbrojtjes njoftoi sot vendimin, i cili vjen tre muaj pasi Rusia ra dakord për rifillimin e eksporteve të grurit përmes porteve të Ukrainës për të frenuar krizën globale të urisë.
Anulimi i marrëveshjes erdhi menjëherë pasi Ministria e Mbrojtjes akuzoi ushtrinë ukrainase për dëmtimin e një prej anijeve të saj luftarake, në një sulm me dronë në gadishullin e Krimesë të aneksuar nga Rusia. //a.i/