MOSKË, 24 shtator /ATSH-DPA/- Zëvendësministri rus i Mbrojtjes, Dmitry Bulgakov është shkarkuar nga detyra dhe është transferuar në një post tjetër, njoftoi sot Ministria e Mbrojtjes në Moskë.
Ai do të zëvendësohet nga gjeneralkoloneli Mikhail Mizintsev, i cili konsiderua si përgjegjës për sulmet e rënda në qytetin jugor të Ukrainës, Mariupol, i pushtuar nga Rusia në fund të majit.
“Mijëra civilë u vranë gjatë rrethimit”, sipas burimeve ukrainase.
Mizintsev mbajti detyrën e kreut të qendrës kombëtare për menaxhimin e mbrojtjes. Tani e tutje ai do të jetë përgjegjës për logjistikën e forcave të armatosura.
Udhëheqja ushtarake ruse nën drejtimin e ministrit të Mbrojtjes, Sergei Shoigu është kritikuar së fundmi. Rreth dy javë më parë, ushtria e Moskës ishte tërhequr nga rajoni lindor i Ukrainës, Kharkiv, nën presionin e kundërofensiveve ukrainase.//a.i/
