MOSKË, 3 maj /ATSH-ANSA/ – Rusia ka akuzuar Ukrainën se po përpiqet të vrasë presidentin Vladimir Putin, pas një sulmi me dron dhe ka kërcënuar se do të hakmerret.
Zyra presidenciale e Rusisë theksoi se ”dy dronë u rrëzuan ndërsa po fluturonin drejt Kremlinit”.
”Putini nuk u dëmtua. Ne i konsiderojmë këto veprime një akt të planifikuar terrorist dhe një tentativë për vrasjen e presidentit të Federatës Ruse”, thuhet në deklaratën e Kremlinit.
“Pala ruse rezervon të drejtën për të marrë kundërmasa ku dhe kur e sheh të arsyeshme, theksohet në deklaratën e Kremlinit.
Nuk ka asnjë reagim nga pala ukrainase deri më tani./ /os/