Gjatë muajve të kaluar është folur shpesh për një lamtumirë të mundshme në verë, por më pas Matthijs de Ligt bëri për vete Juventusin me paraqitjet e tij, duke qenë një nga protagonistët kryesorë në ringritjen e skuadrës së Massimiliano Allegrit.
“Gjëja më e rëndësishme për mua është fitorja. Te Juventusi nëse fitojmë 1-0 dhe luajmë keq, sinqerisht mendoj se të gjithë janë të lumtur. Nëse luan mirë dhe humbet 2-1, atëherë nuk je i lumtur”, ka thënë holandezi.
“Çdo skuadër ka një ADN, që është e ndryshme në çdo klub. Cilësia më e madhe është të kuptosh se nuk duhet të jetë gjithçka gjithmonë e bukur. Bëhet fjalë për fitoren.
Ky është mentaliteti i Juventusit. Nuk ka rëndësi nëse luan mirë, rëndësi kanë vetëm 3 pikët. Hap pas hapi kuptojmë se çfarë pritet nga ne”, ka vazhduar mbrojtësi bardhezi.
Megjithëse konsiderohet si një nga më të mirët në rolin e tij, de Ligt është i vetëdijshëm se ka vend për përmirësim: “Mund të përmirësohem. Për shembull Chiellini tani është 37 vjeç. Në këto momente luan sikur po lexon një libër, di gjithçka. Edhe unë kam mësuar, eksperienca më ka ndryshuar”. / Oversport.tv