Marseille është mundur në shtëpi me rezultatin 0:2 nga Clermont, në takimin e vlefshëm për raundin e 25-të të Ligue 1.
Të dytët në renditjen e elitës së futbollit francez nuk ia dolën të shfrytëzonin këtë takim për t’u afruar më shumë, me kryesuesit, që janë Paris Saint-Germain, pas humbje së turpshme të këtyre të fundit me rezultatin 3-1 ndaj Nantes.
Në këtë takim titullar ishte edhe futbollisti i Kosovës, Elbasan Rashani që luajti 82 minuta dhe tregoi një paraqitje solide, ku edhe në fund të takimit u vlerësua me notën 7.0, nga ‘SofaScore’.
Pas këtij takimi Marseille qëndron në kuotën e 46 pikëve në vend të dytë, plot 13 më pak se PSG-ja e vendit të parë, teksa Clermont qëndron në pozicionin e 15-të me 27 pikë të grumbulluara në 25 ndeshje.
