Ka mbetur edhe një muaj e gjysmë deri në Krishtlindje, por Mariah Carey tashmë po fërkon duart. ‘All I Want for Christmas’ është pata që vazhdon të lëshojë vezët e arta. Nuk ka këngë tjetër si ajo: është kolona zanore për Krishtlindje.
Kanë kaluar gati 30 vjet që nga krijimi i këngës, por nuk ka shfaqur asnjë lloj shenje se mund të dalë nga moda. Luhet në dhjetor, madje edhe në nëntor, pa humbur asnjë prestigj.
Shifrat rreth ‘All I Want for Christmas’ janë marramendëse. Videoja ka më shumë se 730 milionë klikime në YouTube, dhe akoma më shumë në Spotify: 1.18 miliardë klikime.
Vitin e kaluar ajo zuri vendin e parë në Billboard-in Hot 100 Chart dhe bëri histori duke qenë kënga e parë që kryesoi top-listën tre vjet radhazi (2019, 2020 dhe 2021).
Kënga vazhdon të japë vlerë, sepse çdo vit jep 600,000 dollarë fitime. Megjithatë, në vitin 2021 këto fitime arritën në 16.2 milionë dollarë. Për më tepër, bilanci i fitimeve të kësaj kënge të suksesshme të Krishtlindjeve u pasqyrua nga ‘The Economist’.
Mes viteve 1994 dhe 2019, një hark kohor prej 25 vitesh, u fituan më shumë se 60 milionë dollarë nga kjo këngë që mbetet më e suksesshmja e festave të fundvitit.
