PODGORICË, 20 shtator /ATSH-DPA/- Presidenti malazez, Milo Gjukanoviç sugjeroi sot që periudha legjislative të shkurtohet dhe votuesit të thirren në zgjedhje të parakohshme në vazhdën e dy qeverive të dështuara që nga votimi i fundit dy vjet më parë.
Vendimi tani i takon Danijela Gjuroviç, presidente e parlamentit, nëse do të ndjekë këshillën e presidentit, pasi përpjekja e fundit për një qeveri të re dështoi këtë javë.
Koalicion pro-serb mori 41 nga 80 vendet në zgjedhjet e gushtit 2020, duke hequr nga pushteti partinë pro-perëndimore DPS të Gjukanoviçit për herë të parë në 30 vjet. Koalicioni i ri premtoi t’i jepte fund korrupsionit sipas të cilit kishte lulëzuar nën sundimin e DPS-së.
Por, qeveria e fundit e pakicës u rrëzua në gusht, pas një votimi mosbesimi.
Që atëherë, Fronti Demokratik (DF), i cili është pro-serb dhe pro-rus, është përpjekur të ringjallë koalicionin që u formua në gusht 2020. Por afati për një ringjallje të tillë skadoi të hënën.
Lideri i DF-se Andrija Mandiç i shkroi një letër Gjukanoviçit se ai kishte marrëveshje verbale nga 41 ligjvënës për të mbështetur ish-diplomatin dhe politikanin pro-serb Miodrag Lekiç për të qenë kryeministër.
“Megjithatë, kjo ishte e pamjaftueshme, pasi mesazhet e mbështetjes duhet të ishin të dokumentuar”, tha Gjukanoviq.//a.i/